Як доказ прывялі відавочна пастановачнае відэа. Цэлі «атакі» не раскрылі.
У эфіры дзяржаўнага тэлеканалу «Беларусь-1» вечарам 8 чэрвеня расказалі аб «прадухіленні тэрарыстычнай атакі» 30 траўня. Падраздзяленні радыёэлектроннай барацьбы, як сцвярджаецца, перахапілі і пасадзілі ў бяспечным месцы беспілотнік з зарадамі ад аўтаматычнага гранатамёта АГС-17. Дрон нібыта ляцеў з боку Украіны.
На відэа, якое захавала з эфіру Zerkalo.io, БТ паказвае спачатку цёмна-зялёны беспілотнік без усялякіх гранат, потым нейкі беспілотнік, які апускаецца проста на камеру, потым – кадры з нейкага беспілотніка ўжо з белымі «лапкамі», затым асобна – боепрыпас.
Такіх выпадкаў, сцвярджаюць у сюжэце, было ўжо некалькі, але «дадзеныя правакацыі застаюцца за кадрам». Дзяржаўнае «Агенцтва тэлевізійных навінаў» у Telegram заявіла, што «Украіна рыхтуе тэрарыстаў для нападаў на Беларусь шмат гадоў».
Алесь Наваборскі belsat.eu
