Да аднаго з лідараў страйкаму «Беларуськалія» Анатолю Бокуну сёння раніцай прыйшлі невядомыя, паведамляе тэлеграм-канал страйкаму. Спадар Анатоль паспеў паведаміць, што яго затрымліваюць.
Раніцай Анатоль паведаміў, што невядомыя блакавалі яго ў доме бацькоў і, хутчэй за ўсё, будуць затрымліваць. Зараз абставіны высвятляюцца.
Сустаршыню страйкаму «Беларуськалія» Анатоля Бокуна да гэтага затрымлівалі неаднаразова. Ён адседзеў сумарна 55 содняў з 31 жніўня, з іх 40 содняў – не выходзячы з ІЧУ. У снежні ў парку чатырох стыхій у Салігорску была затрыманая група людзей, сярод якіх быў і Анатоль. Аднак тады ўсіх затрыманых адпусцілі з РУУС з пратаколамі па 23.34 КаАП.
АД, belsat.eu