Мянчанку, якая запаліла свечку ў акне на гадавіну забойства Бандарэнкі, адправілі на содні
07.12.202118:16
Супрацоўніцу Акадэміі навук Наталлю Капыцьку пакаралі 5-дзённым арыштам за свечку ў акне на гадавіну забойства Рамана Бандарэнкі.
Жанчыну затрымалі ўвечары 6 снежня, а на наступны дзень адбыўся суд.
Наталля Капыцька.
Фота: Natasha Copytsko / Facebook
«Наташу ўзялі за свечку ў акне ў памяць аб Рамане Бандарэнку. Цяпер яна на знакамітым Акрэсціна. Яны прыязджалі на працу: Наталля працуе ў Акадэміі навук, старшы навуковы супрацоўнік, музыка, кандыдат мастацтвазнаўства. Але там яе не заспелі.
Выклікалі ў міліцыю, мы прыйшлі ўдваіх, паўгадзіны тлумачэнняў – і арышт. Яны фоткалі ўсе вокны са свечкамі тады. Ездзілі і фоткалі. Так і патлумачылі», – расказаў «Нашай Ніве» муж Наталлі, кампазітар Віктар Капыцька.
Але чаму затрымалі менавіта Наталлю – незразумела.
Артыкулы
На імгненне падумала, што застрэляць. Ціханоўская расказала, як яе вывозілі з Беларусі ў жніўні 2020 года
2021.12.07 15:31
АД, belsat.eu
