Рэйс з Менску ў Дамаск запланаваны на 8-га снежня. Нацыянальны аэрапорт «Менск» называе яго рэпатрыяцыйным.
Выканае рэйс авіякампанія «Cham Wings» на самалёце Airbus A-320. У Менск ён прыляціць у 02.50 8-га снежня. Вылет у Дамаск запланаваны на 03.30.
Аэрапорт папярэджвае, што ў раскладзе магчымыя змяненні.
7-га снежня ў 13.45 адбудзецца эвакуацыйны рэйс з Менску ў Эрбіль (Ірак), яго выканае авіякампанія «Iraqi Airways».
Самалётамі «Iraqi Airways» з Беларусі ў Ірак ужо вярнуліся больш за 2700 мігрантаў.
ГГ, belsat.eu