За верасень рэзервы скараціліся на $ 37 мільёнаў.
Міжнародныя рэзервовыя актывы Рэспублікі Беларусь на 1 кастрычніка 2021 года, паводле папярэдніх звестак, склалі $ 8459,9 млн у эквіваленце, паведамляе Нацыянальны банк.
За верасень 2021 года золатавалютныя рэзервы знізіліся на $ 36,8 млн (на 0,4 %) пасля росту ў жніўні на $ 1054,3 млн (на 14,2 %).
«Зніжэнне ўзроўню міжнародных рэзервовых актываў у выніку верасня ў асноўным абумоўленае планавым пагашэннем урадам замежных і ўнутраных абавязанняў у замежнай валюце на суму каля $ 240 млн, а таксама памяншэннем кошту манетарнага золата», – адзначае Нацбанк.
Згодна з асноўнымі кірункамі грашова-крэдытнай палітыкі на 2021 год, аб’ём міжнародных рэзервовых актываў на 1 студзеня 2022 года павінен скласці не менш за $ 6 млрд.
МГМ, belsat.eu
