Былога міліцыянта Дзмітрыя Кулакоўскага адправілі на «хімію» проста з содняў


Экс-міліцыянта Дзмітрыя Кулакоўскага адправілі на «хімію» адразу пасля адміністратыўнага арышту. Ён зноў лічыцца палітвязнем, паведамляе праваабарончы цэнтр «Вясна».

Дзмітрый Кулакоўскі з жонкай.
Фота: spring96.org​

Дзмітрыя Кулакоўскага абвінавацілі ў публічнай абразе службовай асобы ў сувязі з выкананнем ёй службовых абавязкаў і прысудзілі два гады «хіміі» паводле арт. 369 КК.

Мужчыну затрымалі 20 траўня ў Менску ўдома, а на наступны дзень адправілі адбываць 15 содняў, абвінаваціўшы ў непадпарадкаванні (арт. 24.3 КаАП). У мужчыны сур’ёзныя праблемы са здароўем, прагрэсуе дыябет. Каб прыцягнуць увагу і дамагчыся дапамогі, ён праглынуў лыжку.

У апошні дзень 15-соднявага арышту, 4 чэрвеня, Дзмітрыя Кулакоўскага этапавалі ў папраўчую ўстанову № 7.

Hавiны
Жыццё экс-міліцыянта Кулакоўскага, якога зноў адправілі на содні, пад пагрозай. Ён праглынуў лыжку
2021.05.24 20:48

Першы раз яго затрымалі недалёка ад дому. За «непадпарадкаванне» яму далі 12 содняў арышту паводле арт. 23.4 КаАП. Тады на знак пратэсту Дзмітрый праглынуў чатыры металічныя прадметы.

Дзмітрый Кулакоўскі працаваў у міліцыі з 2006 года, узначальваў крымінальны вышук у Заводскім РУУС Менску. Мае прафесійныя ўзнагароды і падзякі ад кіраўніцтва. Пасля выбараў 2020 года заявіў, што не згодны з дзеяннямі ўлады, і звольніўся.

Шчыра кажучы
Калі сілавікі пяройдуць на бок народу?
2021.05.19 19:34

АД, belsat.eu

Стужка навінаў