Міністэрства ўнутраных справаў самаабвешчанай «Прыднястроўскай Малдаўскай Рэспублікі» паведаміла пра чарговыя атакі на кантраляваную ПМР тэрыторыю.
Адзначаецца, што каля вёскі Варанкова Рыбніцкага раёну, каля былога аэрадрому, увечары 6 траўня адбыліся чатыры выбухі. Каля 21:40, як заяўляецца, дронам былі скінутыя першыя два выбуховыя прыстасаванні. Праз гадзіну атаку паўтарылі.
Паведамляецца, што гэта ўжо другі факт актыўных дзеянняў у ваколіцах вёсцы Варанкова. Першы быў зафіксаваны 5 траўня а 22:20. Тады робатам былі скінутыя два выбуховыя прыстасаванні.
Ва ўсіх выпадках пацярпелых няма.
Вайсковы эксперт Міхаіл Самусь не выключае ўварвання ва Украіну з тэрыторыі Прыднястроўя. Аднак Самусь мяркуе, што такі крок войскаў Расеі і «Прыднястроўскай Малдаўскай Рэспублікі» будзе зручным для Украіны і ўладаў Малдовы.
ПС belsat.eu
