6 траўня суддзя Маскоўскага суда Берасця Вера Філонік абвесціла вырак Сяргею Зубовічу, паведамляе «Вясна».
Філонік прызнала мужчыну вінаватым у абразе прадстаўніка ўлады і пакарала 1 годам і 6 месяцамі абмежавання волі без накіравання ў папраўчую ўстанову. А таксама пастанавіла сканфіскаваць мабільны тэлефон, з якога быў напісаны каментар, у даход дзяржавы.
Паводле абвінавачання, Сяргей Зубовіч напісаў «каментар абразлівага характару», у якім змяшчалася «негатыўная ацэнка Карпянкова Мікалая Мікалаевіча», які на той момант узначальваў ГУБАЗіК, а цяпер займае пасаду намесніка міністра МУС.
Карпянкоў ацаніў свае маральныя пакуты ад каментара на Br 1000. Гэтую суму Зубовіч аплаціў яшчэ падчас суда.
МГМ, belsat.eu