Трывожны чамаданчык – гэта рэчы першай патрэбы, якія захоўваюцца ў хуткім доступе ў вас дома і прыдадуцца вам у экстрэмальнай сітуацыі. Склалі максімальна простую інструкцыю.
Рэчы першай патрэбы.
Фота: АГ / Белсат
На фоне ўварвання расейскіх войскаў ва Украіну ў інтэрнэце абмяркоўваюць спіс рэчаў першай неабходнасці, якія маюць захоўвацца ў адным месцы.
Лепш за ўсё збіраць неабходнае ў звычайны або турыстычны заплечнік. Вага заплечніка не павінна вялікая – магчыма, давядзецца доўга ісці пешшу. Рукі лепш мець свабоднымі.
Грошы і дакументы
Дакументы і грошы.
Фота: АГ / Белсат
Грошы і дакументы мусяць быць у вас на целе. Торбу ці заплечнік можна згубіць, іх могуць скрасці.
Зрабіце некалькі копіяў, пакладзіце іх у непрамакальную ўпакоўку (пакет або зіп-пакет) і раскласці ў розныя месцы. Арыгіналы дакументаў мусяць быць на целе.
Грошы размяняйце на дробныя купюры і таксама раскладзіце ў розныя месцы на 5–7 частак.
Спіс кантактных тэлефонаў
Запомніце і запішыце важныя кантакты і адрасы на паперы. У выпадку, калі ваш тэлефон сядзе, вы страціце доступ да электроннай запісной кніжкі. Калі з вамі што-небудзь здарыцца, спіс кантактаў на паперы дапаможа іншым звязацца з вашымі блізкімі.
Аптэчка
- матэрыялы для перавязкі (бінты і жгуты);
- сродкі для дэзінфекцыі (перакіс вадароду, зялёнка, ёд, мазі);
- абязбольваючыя;
- антыгістамінныя (лекі супраць алергіі);
- лекі для зніжэння тэмпературы;
- антыбіётыкі;
- лекі ад праблемаў страўніка.
Вада і ежа
Заплечнік і шматразовая бутэлька для вады.
Фота: АГ / Белсат
Ежа павінна быць лёгкай і каларыйнай. Ідэальна падыдзе тое, што можна з’есці без вады. Гэта могуць быць салодкія батончыкі, печыва, цукеркі і сухафрукты. Локшына хуткага прыгатавання таксама падыдзе, яе можна з’есці сухой. Пакладзіце гарбату, каву і цукар. Колькасць ежы і вады разлічвайце на 72 гадзіны.
Вопратка
Мембранная куртка.
Фота: АГ / Белсат
Важна! Пазбягайце мілітарысцкай вопраткі, берцаў, рэчаў колеру хакі – гэта прыцягне да вас лішнюю ўвагу. Адзенне павінна быць зручным. І не забывайцеся на правіла слаёў:
- першы рэгулюе вільготнасць цела – напрыклад, тэрмабялізна;
- другі забяспечвае ізаляцыю і цяпло – світар або кофта, нагавіцы, тонкі пухавік, камізэлька;
- трэці абараняе ад ападкаў і ветру – куртка, касцюм, штаны, дажджавік;
- зручны абутак.
Сродкі гігіены
- зубная шчотка і паста;
- сурвэткі сухія і вільготныя (магчыма, у вас не будзе доступу да вады);
- пракладкі або тампоны для дзяўчат.
Рэмнабор
Тэхніка
Тэлефон і вонкавая батарэя.
Фота: АГ / Белсат
- тэлефон;
- ліхтар і запас батарэек (акумулятараў);
- радыёпрымач і запас батарэек (акумулятараў) – магчыма, у выпадку адключэння мабільнай сувязі і інтэрнэту гэта будзе адзіны доступ да інфармацыі;
- паўэрбанк (вонкавая батарэя) або сонечная панэль.
І што яшчэ?
Мультытул.
Фота: АГ / Белсат
- запалкі і запальнічкі раскладзіце ў розныя месцы і абараніце ад вады;
- мапа мясцовасці і компас;
- мультытул (сцізорык і невялікі набор інструментаў да яго);
- таблеткі для ачышчэння вады;
- спальнік і турыстычная мата;
- маленькі кацялок або металічны кубак, у якім вы зможаце гатаваць;
- можна ўзяць невялікую гарэлку і газавы балон, на якіх вы зможаце гатаваць, або сухое паліва;
- невялікі рулонік звычайных цэлафанавых пакецікаў – можна надзець на ногі пасля шкарпэтак, калі будзе вільготна і ваш абутак пачне намакаць.
Нядаўна «Белсат» высветліў, што інфармацыя аб сховішчах у Беларусі не існуе. Але некаторыя адрасы мы ўсё ж знайшлі.
Аналітыка
Дзе ў Беларусі ратавацца ад ракетаў і бомбаў? Інфармацыя пра сховішчы закрытая
2022.03.03 18:41
Мы зычым, каб трывожны чамаданчык ніколі вам не спатрэбіўся.
belsat.eu