Мастак Дэ Лёс разам з belsat.eu сочыць за навінамі і малюе самыя рэзанансныя і абсурдныя падзеі першых дзён 2022 году.
Пратэсты ў Казахстане пачаліся 2 студзеня ў горадзе нафтавікоў Жанаозене пасля таго, як улады ўдвая павысілі цану на звадкаваны газ. Першапачаткова пратэстоўцы патрабавалі толькі знізіць цану, але пасля зʼявіліся палітычныя патрабаванні – перадусім адхіліць ад улады Назарбаева.
У ноч на 6 студзеня Такаеў запрасіў дапамогі ў АДКБ. У Казахстан накіраваліся ў тым ліку і беларускія вайскоўцы.
7 студзеня зʼявіліся паведамленні мясцовых медыяў аб затрыманні пляменніка Назарбаева. А большасць чальцоў яго сямʼі, у тым ліку і 81 гадовы Елбасы, па неафіцыйных звестках, пакінулі Казахстан.
Ці пройдзе сёлета рэферэндум аб новай Канстытуцыі ўсцяж не зразумела.
Праект новай Канстытуцыі быў апублікаваны 27 снежня. Новы закон мусіць забяспечыць Аляксандру Лукашэнку гарантыі асабістай бяспекі і пакінуць у ягоных руках моцныя рычагі ўплыву на той выпадак, калі ён вырашыць сысці з пасады прэзідэнта.
З новага году жыць стане даражэй, нас чакае цэлы шэраг новых падаткаў: ад падатку на першую кватэру да падаткаў для грыбнікоў.
Каляды – традыцыйнае свята беларусаў. У дасавецкі час яно было адным з найважнейшых у гадавым цыкле. «Белсат» прысвяціў яму шмат праграмаў. Мы зрабілі праваднік, каб вам было зручней пазнаёміцца з імі і адкрыць новыя сэнсы гэтага свята.
Першыя дні новага году прынеслі трагічныя навіны не толькі з Казахстану, у Беларусі галоўнай навіной першых дзён стала паведамленне пра смерць 27-гадовага жыхара Рэчыцы Дзмітрыя Усхопава. Ён памёр у навагоднюю ноч неўзабаве пасля затрымання міліцыяй.
