Караеў заявіў, што мігранты не адмаўляюцца ад планаў перайсці мяжу

Інспектар па Гарадзенскай вобласці Юрый Караеў, які займаецца пытаннямі бяспекі і размяшчэння ўцекачоў у транспартава-лагістычным цэнтры, расказаў, што яны не маюць намеру заставацца там назаўжды і па-ранейшаму імкнуцца трапіць у Еўразвяз.

Мігранты ў транспартава-лагістычным цэнтры «Брузгі». Гарадзенская вобласць, Беларусь. Лістапад 2021 года. Фота: Ян Марэцкі / Streenger

«Па-ранейшаму вялікая колькасць з іх марыць трапіць у Еўразвяз. Той, хто страціў надзею гэта зрабіць, згаджаецца вярнуцца на радзіму. Ёсць некаторыя людзі, якія ўжо гавораць: калі не Нямеччына, то тады Беларусь», – сказаў Караеў.

Таксама Караеў расказаў, што большая частка мігрантаў не хоча сыходзіць з парадку дня сусветных СМІ і будзе нейкім чынам пра сябе нагадваць. «Здавольвацца жыццём у ТЛЦ назаўжды яны таксама не збіраюцца».

Гэтак, у ноч на 7 студзеня група з 35 чалавек спрабавала прарвацца з Беларусі ў Польшчу ў раёне Чаромхі, паведамляе польская памежная служба.

Людзі, якія спрабавалі перайсці мяжу, кідалі ў бок польскіх патрульных камяні і галіны.

«Лукашэнка штучна стварыў праблему, ён яе штучна можа і вырашыць». Былыя дыпламаты пра міграцыйны крызіс

АД, belsat.eu

Падпісвайся на telegram Белсату

Hавiны