Кіберпартызаны апублікавалі звесткі яшчэ 1440 асобаў, якія паведамлялі ў міліцыю аб акцыях пратэстаў, дваравых маршах або сцягах на вокнах. Раней хакеры ўжо публікавалі першую частку такіх звестак і стварылі «Мапу даносчыкаў».
Кіберпартызаны цвердзяць, што ўзламалі базу выклікаў 102 і супольна з blackmap.org, «Кааліцыяй Пратэстных Двароў» і аб’яднаннем «Фрунзенскі рух» вылічылі тых асобаў, якія тэлефанавалі ў міліцыю і паведамлялі сілавікам пра мірныя сходы, або зʼяўленне бел-чырвона-белай сімволікі.
Раней Кіберпартызаны стварылі «Мапу даносчыкаў», якая змяшчае не толькі імя і прозвішча, адрас і тэлефон кожнага з інфарматараў, але нават змест іхных даносаў. Першапачаткова на мапе было 2 842 кантакты. Цяпер хакеры дадалі яшчэ 1440 кантактаў.
СК belsat.eu
