Міністэрства замежных спраў Літвы пацвердзіла, што Расея высылае з краіны павераную ў справах Літвы Віргінію Умбрасіене, піша Delfi. Гэтак Расея адрэагавала на аналагічныя дзеянні Літвы.
3 кастрычніка ў Міністэрства замежных справаў Літвы быў выкліканы прадстаўнік амбасады Расеі ў Літве Сяргей Рабаконь, якому ўручылі ноту. Згодна з ёй часовы павераны ў справах Расеі абвяшчаўся персонай нон-грата і быў абавязаны пакінуць краіну цягам 5 дзён. Расея адрэагавала на прынятае літоўскім МЗС рашэннем і высылае з тэрыторыі РФ часовую павераную ў справах Літвы Віргінію Умбрасіене.
Літва тлумачыла высылку Сяргея Рабаконя ягонымі дзеяннямі і заявамі, несумяшчальнымі са статусам дыпламата, якія могуць расцэньвацца як умяшанне ва ўнутраныя справы Літвы і парушаюць Венскую канвенцыю аб дыпламатычных стасунках.
Прадстаўніку расейскага пасольства таксама заявілі рашучы пратэст супраць анексіі Масквой чатырох акупаваных рэгіёнаў Украіны – Данецкай, Луганскай, Херсонскай і Запарожскай абласцей.
3 кастрычніка пасол Расеі ў Варшаве Сяргей Андрэеў быў выкліканы ў Міністэрства замежных справаў Польшчы, дзе яму быў выказаны пратэст у сувязі з незаконнай анексія РФ украінскіх тэрыторыяў праз «рэферэндумы». Ноты пратэсту на пачатку тыдня атрымалі ўсе прадстаўнікі амбасадаў РФ у краінах Еўразвязу.
Зміцер Міраш belsat.eu