У сувязі з санкцыямі Еўрапейскага Звязу ў «Белавіі» рэзкае зменшыліся пасажырскія перавозы і, як следства, памяншылася патрэба ў тэхнічным абслугоўванні і рамонце самалётаў. Адпаведны ліст гендырэктара кампаніі Ігара Чаргінца да працаўнікоў апублікаваў Антон Матолька.
У лісце гаворыцца, што за шэсць месяцаў 2021 года абʼёмы працаў тэхнічнага абслугоўвання і рамонту самалётаў адносна першага паўгоддзя 2019 года ўпалі на 33,88 %.
«Прагназаваныя паказнікі перавоў у восеньска-зімовы перыяд бачацца яшчэ больш песімістычнымі. У гэтай сітуацыі ў авіякампаніі вядзецца праца для аптымізацыі колькаснага складу ва ўсіх структурных падраздзяленнях. Колькасць спецыялістаў авіяцыйна-тэхнічнай базы за 2021 год скарацілася на 38 работнікаў, у тым ліку 15 работнікаў цэху тэхнічнага абслугоўвання авіяцыйнай тэхнікі», – заявіў Чаргінец.
Паводле яго, пераважна былі звольненыя работнікі пенсійнага веку і тыя, хто сам захацеў звольніцца.
«У цяперашні час усе намаганні авіякампаніі накіраваны на стабілізацыю сітуацыі, пошук новых рынкаў пасажырскіх перавозаў з мэтай захавання максімальнай колькасці персаналу, усведамляючы каштоўнасць яго кваліфікацыі, досведу і прафесіяналізму», – гаворыцца ў лісце.
Нагадаем, што 4 чэрвеня Еўразвяз апублікаваў дакумент, які забараняе ўсім беларускім авіяперавознікам палёты ў паветранай прасторы краінаў ЕЗ.
Ён прадугледжвае забарону на ўзлёт, пасадку і пралёт самалётаў беларускага авіяперавозніка над тэрыторыяй Еўразвязу. Пазней да рашэння ЕЗ далучыліся яшчэ сем дзяржаваў. У выключных выпадках могуць прымацца толькі гуманітарныя рэйсы, а таксама аварыйныя або экстранныя пасадкі.
Прычынаю забароны ў дачыненні беларускіх авіякампаніяў стаўся інцыдэнт з прымусоваю пасадкаю самалёта «Ryanair» у Менску ды арыштам журналіста Рамана Пратасевіча і Соф’і Сапегі, якія былі на борце.
МГ belsat.eu