Ціханоўская пры прысуд Знаку і Калеснікавай: «Мы бачым нашых герояў моцнымі і свабоднымі»

Марыя Калеснікава і Максім Знак. Менск, Беларусь. Фота: ТАСС

Святлана Ціханоўская пракаментавала вынясенне 6 верасня прысуду чальцам прэзідыуму Каардынацыйнай рады Марыі Калеснікавай і Максіму Знаку.

«Рэжыму б вельмі хацелася бачыць Макса і Марыю раструшчанымі і знясіленымі. Але мы бачым нашых герояў моцнымі і свабоднымі ўнутры», – гаворыцца ў заяве.

Любяць музыку і хацелі застацца жыць у Беларусі. Што мы ведаем пра Марыю Калеснікаву і Максіма Знака

Паводле заявы, «яны выйдуць на свабоду значна раней».

«Выдуманыя для іх тэрміны не павінны палохаць нас – бо Максім і Маша гэтага б дакладна не хацелі. Яны б хацелі, каб мы ўспомнілі, як усміхаецца Маша і паслухалі, як спявае Максім», – заявіла Святлана Ціханоўская.

11 і 10 гадоў. Марыю Калеснікаву і Максіма Знака пакаралі зняволеннем

Нагадаем, што Марыі Калеснікавай і Максіму Знаку прысудзілі 11 і 10 гадоў пазбаўлення волі адпаведна.

Максім Знак будзе адбываць пакаранне ў калоніі ўзмоцненага рэжыму.

Іх прызналі вінаватымі ў змове з мэтай захопу дзяржаўнай улады неканстытуцыйным шляхам (ч. 1 арт. 357 КК), стварэнні экстрэмісцкага фармавання і кіраванні ім (ч. 1 арт. 361-1 КК), а таксама ў закліках да дзеянняў, накіраваных на прычыненне шкоды нацыянальнай бяспецы (ч. 3 арт. 361 КК).

Да суда, дзе агучаць вырак Знаку і Калеснікавай, утварылася вялікая чарга

МГ belsat.eu

Падпісвайся на telegram Белсату

Hавiны