Намеснік дзяржсакратара Савету бяспекі прыгразіў апазіцыянерам смерцю ў аўтакатастрофах
Намеснік дзяржаўнага сакратара Савету бяспекі Беларусі Уладзімір Арчакоў у інтэрв’ю тэлеканалу «Беларусь 1» заявіў, што дзеячы дэмакратычнага руху краіны могуць загінуць у аўтакатастрофах.
«Вось гэтыя «збеглыя», выпрошваючы санкцыі, яны самі не разумеюць, у якую незваротную дзірку яны спрабуюць засунуць Беларусь. Прычым зразумела, што Захад іх рана ці позна салье, ужо злівае, і яны загінуць у сваіх аўтакатастрофах. Але гэтыя «вісякі» на Беларусі ж застануцца», – сказаў Арчакоў.
Ён таксама паскардзіўся, што на Захадзе «эканамічнай мэтазгоднасці закрылі рот палітычнай кан’юнктурай».
Уладзімір Арчакоў нарадзіўся ў 1967 годзе ў расейскім Свярдлоўску. Там скончыў вышэйшую вайскова-палітычную танкава-артылерыйскую вучэльню. З 10 красавіка 2012 года да 21 лютага 2014-га працаваў начальнікам упраўлення КДБ па Віцебскай вобласці.
З 21 лютага 2014 года – намеснік Дзяржаўнага сакратара Савету бяспекі.
МГ belsat.eu
