У інтэрв’ю літоўскаму парталу Delfi экс-міністр замежных справаў Літвы Лінас Лінкявічус заявіў, што Лукашэнку трэба думаць аб адступленні, мабыць, бліжэйшым часам далучыцца да свайго калегі Януковіча.
Таксама Лінас Лінкявічус адзначыў, што міжнародная рэакцыя на падзеі, якія адбываюцца ў Беларусі, занадта слабая.
«Я лічу, што міжнародная супольнасць недастаткова актыўная і даволі слаба рэагуе на тое, што адбываецца ў Беларусі, і калі яна адмовілася б ад адзінага рычага ціску – санкцыяў, то тады засталося б толькі назіранне, а гэта несправядліва – і ў маральным і ў палітычным плане. Санкцыі патрэбныя, каб рэжым даведаўся цану таго, што адбываецца, але трэба накіраваць усе стрэлы ў бок рэжыму – у бок тых, хто яго фінансуе, хто знаходзіцца ў асяроддзі. Ціск павінен быць. І не такі, як цяпер, цяпер ён слабы», – сказаў экс-міністар.
Адказваючы на пытанне, ці не паглыбіць гэта адносіны Расеі і Беларусі, Лінкявічус сказаў, што Лукашэнка не такі ўжо і наіўны, ён разумее, што рана ці позна ён Пуціну будзе не патрэбны.
«Лукашэнка ўжо абраў такі шлях, ён не будзе сядзець на плоце і падлашчвацца да абодвух бакоў. Ён абраў адзіны варыянт абароны з боку спонсара, паколькі іншых шляхоў ня бачыць, але калі ён не наіўны, то павінен разумець, што гэтая дапамога не бясконцая, з часам Лукашэнка Пуціну ня будзе патрэбны», – сказаў Лінкявічус.
На яго думку, у Лукашэнкі няма іншага выйсця, як толькі адступіць: «Лукашэнка ўжо трэба думаць аб адступленні і, мабыць, у бліжэйшы час далучыцца да свайго калегі Януковічу, іншага выйсця ў яго не будзе. Нам трэба думаць, што значаць перамены. Калі мы кажам, што выпусцяць зняволеных і адбудуцца новыя выбары, і тады мы зможам сябраваць і ўсё будзе добра, трэба мець на ўвазе, што так будзе, калі выбары будуць празрыстымі, калі не прыйдзе нейкая прамаскоўская сіла, іншы лідар з іншым прозвішчам, што ён не будзе такім жа дзіўным, як цяперашні, а краіна пойдзе наперад, мэта будзе дасягнутая. Такія варыянты таксама нельга адхіляць», – адзначыў Лінас Лінкявічус.
АД, belsat.eu