За мінулы год колькасць ветэранаў Другой сусветнай вайны ў Беларусі скарацілася амаль на 1500 чалавек, або больш як на 30%.
Паводле звестак Міністэрства працы і сацыяльнай абароны насельніцтва, на 1 красавіка 2021 года ў Беларусі было 3337 ветэранаў ВАВ. З іх двое – Героі Савецкага Саюзу. Таксама ў краіне жыве 10 687 былых вязняў фашысцкіх канцлагераў, турмаў, гета і іншых месцаў прымусовага ўтрымання.
Год таму, на 1 красавіка 2020 года, у Беларусі налічвалася 4806 ветэранаў і 12 591 былых вязняў.
За год іх колькасць скарацілася адпаведна на 30,57% і 15,12%.
Адзначым, што на 1 ліпеня 2020 года, паводле афіцыйнай статыстыкі, у Беларусі было 2639 ветэранаў. Чаму затым іх колькасць павялічылася, незразумела.
МГ belsat.eu