У Барысаве прыпынена будаўніцтва лядовай пляцоўкі і моста праз чыгунку ў раёне Зялёнага гарадка, паведаміў старшыня Барысаўскага райвыканкаму Генадзь Денгалёў.
Праект лядовай пляцоўкі ў Барысаве.
Фота: darriuss.livejournal.com
«Ёсць архітэктурны праект на будаўніцтва. Гэта ўсё, што мы маем на дадзены момант, – фінансавання няма, у інвестпраграму на гэты год праект не ўключылі. За кошт раённага бюджэту мы мост не пабудуем – гэта вельмі дарагі аб’ект. Таму пакуль рэалізацыі праекту не будзе», – распавёў старшыня райвыканкаму.
Генадзь Денгалёў.
Фота: edinstvo.by
Паводле яго слоў, на сённяшні момант у горадзе неабходна скончыць будаўніцтва іншых абʼектаў.
У чэрвені 2019 году ўжо былы старшыня ФХБ Генадзь Савілаў паведамляў, што дата заканчэння рэалізацыі праекта лядовай пляцоўкі ў Барысаве плануецца на канец 2020 года.
Праект лядовай пляцоўкі ў Барысаве.
Фота: ex-press.by
АД, belsat.eu
