Упраўленне культуры Менгарвыканкаму адмовіла берасцейскаму панк-гурту «Дай Дарогу!» у канцэртным пасведчанні. Падставай для адмовы стала нібыта «парушэнне іншых патрабаванняў актаў заканадаўства», напісаў у сваім Facebook лідар гурта Юрый Стыльскі.
Берасцейскі панк-гурт «Дай Дарогу!» планаваў выступіць 7 траўня ў Менскім клубе «Re: Public». Прадстаўнікі гурта звярнуліся ва ўпраўленне культуры Менгарвыканкаму з просьбай аб атрыманні канцэртнага пасведчання, але атрымалі адмову.
«Ужо нават фармальная прычыны ў выглядзе каронавірусу не фігуруе. Артыкул 215 – падставы для адмовы ў выдачы гастрольнага пасведчання – п 1.8 парушэнне іншых патрабаванняў актаў заканадаўства… Зручны артыкул, выкарыстоўваецца ў дачыненні да любых артыстаў, калі іншых законных падставаў для адмены няма, а адмяніць хочацца», – пракаментаваў фронтмэн калектыву Юры Стыльскі.
Юрый Стыльскі прыняў актыўны ўдзел у жнівеньскіх пратэстах у Берасці і быў два разы затрыманы. Музыка публічна выказваўся супраць гвалту сілавікоў і фальсіфікацыяў.
СК belsat.eu