Крыніцы «Белсату» паведамляюць, што палітвязень Міхаіл Чамурака, які быў асуджаны да трох гадоў «хіміі», пакінуў Беларусь і знаходзіцца ў бяспецы.
Абставіны адʼезду палітвязня пакуль невядомыя.
Актывіст з Дуброўна Міхаіл Чамурака быў пакараны абмежавання волі з накіраваннем у папраўчую ўстанову адкрытага тыпу («хімія») тэрмінам на тры гады. Яго прызналі вінаваты ў «паклёпе» (арт. 188 Крымінальнага кодэксу).
З 10 кастрычніка 2021 года Чамурака пачаў адбываць пакаранне.
23 лістапада 2021 года праваабаронцам стала вядома, што на палітвязня заведзена новая крымінальная справа – паводле арт. 130 Крымінальнага кодэксу («Распальванне варожасці»).
РР belsat.eu