Жыхарка Курдыстану трапіла ў Гайнаўскі шпіталь у цяжкім стане з памежнай паласы з боку Беларусі.
Паводле «Radio Białystok», пракуратура Гайнаўкі распачне следства ў справе смерці жанчыны з Курдыстану.
Вядома, што жанчына разам са сваімі суайчыннікамі правяла пэўны час у памежнай паласе з боку Беларусі. Яна была цяжарнай і страціла дзіця. Жанчыну даставілі ў шпіталь у цяжкім стане, а ненароджанае дзіця пахавалі ў Баброўніках на мусульманскіх могілках. Яна памерла ўвечары 3 снежня. У жанчыны застаўся муж і пяцёра дзяцей ва ўзросце ад 7 да 16 гадоў.
РР belsat.eu