Беларускія памежнікі выкарысталі нязвыкла жорсткую рыторыку, каментуючы інцыдэнт за мяжы з украінскім верталётам.
Паводле беларускага боку 4 снежня ўкраінскі верталёт Мі-8 нібыта парушыў беларускую мяжу ў раёне Новай Рудні. 5 снежня Міністэрства абароны Беларусі перадала ў сувязі з інцыдэнтам ноту пратэсту вайсковаму аташэ пры амбасадзе Украіны ў Беларусі. Пры гэтым украінскі бок не прызнае факт парушэння мяжы.
Афіцыйны прадстаўнік Мазырскага памежнага атраду Сяргей Паўлаў заявіў сёння ў каментары тэлеканалу «Мир»:
«Пры ўзнікненні ў далейшым выпадкаў парушэння дзяржаўнай мяжы беларускія памежнікі будуць дзейнічаць вельмі жорстка».
Нагадаем, спецслужбы заходніх краінаў і Украіны лічаць, што Расея плануе ваенны наступ на тэрыторыю Украіны, які можа пачацца ў пачатку 2022 года, прычым уварванне можа адбыцца ў тым ліку праз тэрыторыю Беларусі.
8 лістапада Аляксандр Лукашэнка заявіў, што хоча размясціць некалькі дывізіёнаў расейскіх ракетных комплексаў «Іскандэр» на мяжы з Украінай. 29 лістапада на нарадзе ў Мінабароны Лукашэнка паабяцаў быць на баку Расеі ў выпадку ейнай вайны з Украінай. 2 снежня Лукашэнка распавёў пра намер сумесныя з Расеяй вучэнні на мяжы з Украінай.
На фоне такіх заяваў кіраўнік МЗС Украіны Дзмітрый Кулэба адзначыў, што Кіеў цяпер лічыць Беларусь патэнцыйнай крыніцай пагрозы.
РР belsat.eu