У Казані мабілізаваныя ўчынілі бунт з-за дрэнных умоваў пражывання, іржавых аўтаматаў 1970-х гадоў, з якіх небяспечна страляць, і стаўлення камандавання. Пра гэта паведамляе выданне «The Insider».
Падчас размовы з афіцэрам незадаволеныя мабілізаваныя выкрыквалі пагрозы і пыталіся, куды ён дзеў дровы.
Мабілізаваныя скардзяцца на тое, што ім не хапае вады, ежы і дроў, няма дзе сціраць рэчы.
За апошнія месяцы ў сацсетках былі апублікаваныя дзясяткі відэа з абуранымі мабілізаванымі з розных гарадоў Расеі. Часцей за ўсё яны скардзяцца на дрэннае стаўленне камандавання, адсутнасць абмундзіравання і абяцаных выплат.
У зводцы брытанскай разведкі за 5 лістапада паведамляецца, што расейскія мабілізаваныя, хутчэй за ўсё, атрымліваюць мінімальную вайсковую падрыхтоўку або ўвогуле не праходзяць яе.
Глеб Нержын belsat.eu