Выставу пад назвай «У беларусаў ёсць голас» адкрыла беларуская дыяспара Беластоку з дапамогай і падтрымкай мясцовых уладаў.
З кожным днём у Беластоку становіцца ўсе болей беларусаў, а касцяк дыяспары ўтварыўся год таму. На фотаздымках, якія прадстаўлены на выставе можна пабачыць, што нашым землякам удалося зрабіць за год.
Беларусы Беластоку кажуць, што галоўнае чаго ўдалося дасягнуць – гэта аб’яднацца, дазнацца адзін пра аднаго і аказаць неабходную дапамогу, ніхто не застанецца са сваёй бядой сам на сам.
Таксама гэтую выставу можна лічыць справаздачай дыяспары за апошні год у адстойванні сваёй грамадзянскай пазіцыі. Пачынаючы з чаргі ў консульства ў дзень галасавання, праз шматлікія акцыі ў абарону свайго голасу, яскравыя масавыя мерапрыемствы і да сумесных святкаванняў.
Працаваць выстава будзе да 28 лістапада па адрасе: Рынак Касцюшкі, 4.
АЛ, belsat.eu