Суд над маці пяцярых дзяцей Вольгай Залатар пачнецца 15 лістапада

Палітзняволеную шматдзетную маці Вольгай Залатар пачнуць судзіць 15 лістапада ў Менскім гарадскім судзе, паведамляюць праваабаронцы.

Вольга Залатар з сям’ёй. Фота: spring96.org

Жанчыну судзяць па двух артыкулах Крымінальнага кодэксу: ч.1 арт. 361-1 («Стварэнне экстрэмісцкага фарміравання») і ч. 1 і 2 арт. 342 («Арганізацыя і навучанне дзеянняў, якія груба парушаюць грамадскі парадак»).

Ёй пагражае да сямі гадоў пазбаўлення волі.

«Пра Волю казалі, што яна Дон Кіхот». Што вядома пра маці пяцярых дзяцей, якую кінулі ў СІЗА за «пратэставую дзейнасць»

Справу палітзняволенай будзе разглядаць суддзя Анастасія Папко. Яна ж вядзе суд над палітвязнем Міколам Дзядком.

Вольгу Залатар затрымалі 18 сакавіка, калі тая везла дачку ў музычную школу. Яе машыну спынілі сілавікі, затрымалі і павезлі дадому, каб зладзіць ператрус. Пасля ператрусу Вольгу спачатку завезлі ў мясцовае аддзяленне міліцыі, потым змясцілі ў ІЧУ, а на наступны дзень перавялі ў СІЗА № 1 на вуліцы Валадарскага ў Менску. У красавіку былы адвакат Залатар Андрэй Мачалаў заявіў, што падчас допытаў Вольгу збівалі і «выбівалі» паролі ад тэлефона. За гэтую заяву адваката Мачалава пазбавілі ліцэнзіі.

Пасля затрымання да шматдзетнай маці Вольгі Залатар ужываліся катаванні супрацоўнікамі ГУБАЗіК

АД, belsat.eu

Падпісвайся на telegram Белсату

Hавiны