Сталі вядомыя імёны лаўрэатаў Нобэлеўскай прэміі ў галіне фізікі, паведамляе Нобэлеўскі камітэт.
Гэта Сюкуро Манабэ, Кляўс Гасэльман і Джорджа Парызі. Прэмію яны атрымалі за «прарыўны ўнёсак у разуменне складаных фізічных сістэмаў».
Сюкуро Манабэ і Кляўс Гасэльман атрымаюць адну частку прэміі – «за фізічнае мадэляванне клімату Зямлі, колькасную ацэнку зменлівасці і надзейнае прагназаванне глабальнага пацяплення».
Джорджа Парызі атрымае другую частку прэміі – «за адкрыццё ўзаемадзеяння бязладзіцы і флуктуацый у фізічных сістэмах ад атамаў да планетарных маштабаў».
МГМ, belsat.eu