Абмежаванні на наведванне лясоў уведзеныя амаль ва ўсіх раёнах Берасцейскай, Гомельскай, Гарадзенскай і Менскай вобласцяў. Пра гэта папярэджвае Міністэрства лясной гаспадаркі.
У сямі раёнах Гомельскай вобласці цалкам уведзеная забарона на наведванне лясоў.
Свабодна наведваць лясы можна ў Віцебскай і Магілёўскай вобласцях.
Абмежаванні на наведванне лясоў звязаныя з павышэннем тэмпературы. На сёння, 5 жніўня, у Беларусі абвешчаны жоўты ўзровень небяспекі, тэмпература на піку можа дасягнуць 33 градусаў.
Спякота захаваецца і на выходных. У суботу, 6 жніўня, на большай частцы тэрыторыі максімальная тэмпература паветра дасягне 30–32 градусаў.
Алена Рувіна belsat.eu