Ірак заклікаў сваіх грамадзянаў не рабіцца мішэнню кантрабандыстаў і гандляроў людзьмі

Літоўскі памежнік. Літва. 20 ліпеня 2021 года. Фота: ІА / Белсат

Іракскія дыпламаты сочаць за развіццём сітуацыі на беларуска-літоўскай мяжы, дзе іхныя грамадзяне спрабуюць нелегальна патрапіць у Еўразвяз.

У амбасадзе Іраку ў Маскве сочаць за падрабязнасцямі інцыдэнту з забітым грамадзянінам Іраку на беларуска-літоўскай мяжы, гаворыцца ў заяве МЗС Іраку. Ведамства таксама заклікала сваіх грамадзянаў не рабіцца мішэнню кантрабандыстаў і гандляроў людзьмі.

«На ўсю прапагандысцкую моц». Якія пагрозы нясуць заявы пра смерць іракца і чаму эскалацыя будзе працягвацца

Літва не ўпусціла 300 мігрантаў

Між тым за мінулыя содні ў Літве затрымалі толькі 19 нелегальных мігрантаў, а разгарнулі – больш як 300. З 29 ліпеня гэта найменшы лік затрыманых. Іх колькасць знізілася пасля рашэння МУС Літвы разгортваць мігрантаў і адпраўляць у Беларусь і ўжываць меры адпужвання, піша DELFI.

Прадстаўнік Службы аховы дзяржмяжы Рокас Пукінскас адзначыў, што інцыдэнтаў праз разгортванне памежнікамі нелегальных мігрантаў не было.

Гарадзенскі карыдор: як жыхары Іраку прабіваюцца ў Літву праз Беларусь

Дзяржаўны памежны камітэт Беларусі заявіў, што 4 жніўня полацкія памежнікі сталі сведкамі «агрэсіўнага выправаджэння васьмярых мігрантаў пяццю літоўскімі сілавікамі на тэрыторыю Беларусі». Пры гэтым беларускія памежнікі не дапусцілі парушэнні дзяржаўнай мяжы. У ДПК не ўдакладнілі, як мігранты перад гэтым трапілі на літоўскі бок і ці была пры гэтым парушаная дзяржмяжа Беларусі.

У Літву праз мяжу з Беларуссю сёлета трапілі 4090 мігрантаў, пераважна з Іраку. Службовыя асобы Літвы называюць выраслі патокі незаконнай міграцыі гібрыднай агрэсіяй беларускага рэжыму.

МГ belsat.eu

Падпісвайся на telegram Белсату

Hавiны