Японія ўвяла новыя санкцыі супраць Беларусі. Пра гэта паведамляе mof.go.jp.
У чорны спіс трапілі Дзяржаўны вайскова-прамысловы камітэт, КДБ, унутраныя войскі МУС, авіякампанія «Трансавіяэкспарт», «АГАТ – сістэмы кіравання», «Агат – электрамеханічны завод», «КБ Радар», «Пеленг» ды іншыя. Санкцыі прадугледжваюць замарожванне актываў кампаніяў і забарону на правядзенне фінансавых аперацыяў.
Таксама Японія ўвяла санкцыі і супраць Расеі. Агулам у санкцыйным спісе 90 арганізацыяў з РБ і РФ, а таксама 57 фізічных асобаў.
Арганізацыям з чорнага спісу забараняецца экспарт з Японіі. Японскі ўрад зацвердзіў таксама забарону на імпарт расейскага золата.
У сакавіку 2022 года Японія пашырыла санкцыі супраць уладаў Беларусі. У траўні Японія і ЕЗ супольна асудзілі рэжым Аляксандра Лукашэнкі за спрыянне расейскай агрэсіі супраць Украіны.
ЗК belsat.eu
