Старшыню Партыі БНФ Рыгора Кастусёва з ацёкамі і праблемамі з сэрцам перавялі з СІЗА КДБ у турэмны шпіталь на Валадарскага, паведамляе намеснік старшыні партыі Вадзім Саранчукоў.
Пра перавод даведалася дачка Кастусёва, калі ў яе не прынялі перадачы.
Рыгор Кастусёў праходзіць падазраваным у «справе аб захопе ўлады», следства якой працягнулі да кастрычніка.
Старшыня Партыі БНФ адмаўляе сваю віну ў змове і абураецца тым, што дзяржаўнае тэлебачанне распаўсюдзіла інфармацыю пра нібыта прызнанне ім віны.
Акрамя Кастусёва, абвінавачанымі ў «справе аб змове з мэтаю захопу дзяржаўнай улады неканстытуцыйным шляхам» праходзяць Аляксандр Фядута, Юрый Зянковіч і яшчэ шасцёра асобаў.
АД, belsat.eu