Палітычным зняволеным у некаторых калоніях адміністрацыя прапануе напісаць ліст пакаяння. Калі вязні пагодзяцца на гэта, то да 3 ліпеня іх абяцаюць вызваліць, паведамляюць чытачы «Белсату».
У калоніі «Віцьба 3» палітзняволеным раяць напісаць прашэнне на вызваленне на імя Лукашэнкі. Гэтак, маці аднаго з палітвязняў распавяла «Белсату», што ў канцы траўня ў віцебскую калонію прыязджаў пракурор з Менску і прасіў вязняў падпісаць такое прашэнне.
«Больш паловы вязняў адмовіліся гэта рабіць, але былі тыя хто пагадзіўся».
Падобную інфармацыю агучваюць палітвязні з наваполацкай калоніі.
Рэдакцыя шукае пацверджанне гэтай інфармацыі, напішыце нам у чат-бот @belsatbot.
СК belsat.eu