Канфіскацыя цыгарэтаў польскімі мытнікамі.
Фота: podlaskie.kas.gov.pl
Чарговую буйную партыю нелегальных цыгарэтаў з Беларусі канфіскавалі польскія мытнікі. Пра гэта паведамляе Краёвая адміністрацыя Беластоку.
Польскія мытнікі спынілі для праверкі літоўскі цяжкавік, які, паводле дакументаў, павінен быў перавозіць партыю мінеральнай ваты ў Нямеччыну. Падчас агляду высветлілася, што ў машыне схаваныя нелегальныя цыгарэты.
У грузавіку, якім кіраваў 32-гадовы грамадзянін Літвы, было 653 тыс. пачкаў беларускіх цыгарэт ацэначным рынкавым коштам 9,7 млн злотых (каля $ 2,5 млн).
У дачыненні кіроўцы пачатае расследаванне. Ён арыштаваны на тры месяцы, і яму пагражае да 10 гадоў пазбаўлення волі.
Hавiны
У Літве ў фуры з Беларусі знайшлі кантрабандных цыгарэтаў на мільён еўраў
2021.04.18 22:30
Нагадаем, што ў Літве ў фуры з Беларусі знайшлі кантрабандных цыгарэтаў на мільён еўраў.
МГ belsat.eu
