Андрэй Фралоў у 2011 годзе падчас суду над Анджэем Пачобутам.
Фота: svaboda.org
Гарадзенскага відэааператара Андрэя Фралова затрымалі ўвечары 4 траўня ў Лідскім раёне. Цяпер ён знаходзіцца ў ізалятары, паведамляе карэспандэнт belsat.eu.
Журналіст увечары ехаў з мястэчка Бярозаўка, калі яго сталі затрымліваць нібыта за непадпарадкаванне міліцыі. Ноч ён правёў у ізалятары ў Лідзе.
Час суду над Андрэем Фраловым невядомы. Магчыма, што паседжанне адбудзецца сёння. Перадачу для яго ад сваякоў не прынялі, паведамляе радыё «Свабода».
Андрэй Фралоў супрацоўнічае з медыямі як фрылансер, у тым ліку з «TVP Polonia». Раней яго ўжо неаднаразова затрымлівалі.
МГ belsat.eu
