Ціханоўская заклікала Еўразвяз найхутчэй увесці санкцыі


Святлана Ціханоўская.
Фота: tsikhanouskaya / Telegram

Святлана Ціханоўская заклікала міністраў замежных справаў краін Еўрапейскага Звязу ўвесці санкцыі, абвесціць план дапамогі Беларусі ды правесці канферэнцыю з прадстаўнікамі дэмакратычных сілаў і рэжыму.

У сувязі з працягам гвалту і рэпрэсій у Беларусі Святлана Ціханоўская накіравала ліст міністрам замежных спраў краін ЕЗ і старшыням камітэтаў міжнародных стасункаў парламентаў дзяржаваў Еўразвязу.

«Я заклікаю вас да ўвядзення новых адрасных санкцыяў у дачыненні да шырокага спісу асоб, вінаватых у парушэннях правоў чалавека, а таксама груп і кампаній, якія падтрымліваюць рэжым Лукашэнкі. Санкцыі – гэта адзін з нямногіх дзейсных і эфектыўных адказаў Захаду на дзеянні рэжыму. І дзейнічаць трэба найхутчэй», – падкрэсліла яна.

Святлана Ціханоўская таксама прапанавала правесці міжнародную канферэнцыю высокага ўзроўню па ўрэгуляванні крызісу ў Беларусі з удзелам беларускіх дэмакратычных сілаў, нацыянальных урадаў, парламентаў і груп грамадзянскай супольнасці з ЕЗ, Расеі, ЗША і Вялікай Брытаніі, а таксама прадстаўнікоў рэжыму.

«Крызіс павінен быць развязаны мірным шляхам з дапамогай інклюзіўны дыялогу. Менавіта ён павінен прывесці да новых прэзідэнцкіх выбараў сёлета. І вельмі важна, каб усе палітычныя зняволеныя і затрыманыя былі вызваленыя і рэабілітаваныя», – падкрэсліла яна.

Таксама беларуская лідарка заклікала «ператварыць салідарнасць у абавязкі, абвясціўшы і апублікаваўшы Усёабдымны план дапамогі ЕЗ для Беларусі».

Абноўлена
Чацверты пакет санкцыяў ЕЗ адкладаецца мінімум да чэрвеня
2021.05.04 12:37

Як стала вядома 4 траўня, чацверты пакет санкцыяў Еўразвязу супраць рэжыму Аляксандра Лукашэнкі не будзе гатовы да 10 траўня, калі пройдзе саміт ЕЗ аб замежных справах.

Раней паведамлялася, што Беларусь унесеная ў парадак дня пасяджэння Рады міжнародных справаў Еўразвязу. Але цяпер яго разгледзяць падчас чэрвеньскай сустрэчы, «калі Беларусь будзе адным з асноўных пунктаў парадку дня».

Hавiны
Вячорка распавёў пра перамовы ў траўні: «З боку рэжыму жадання няма, але мы працягваем ціснуць»
2021.05.04 19:05

МГ belsat.eu

Стужка навінаў