У кватэры Наталлі Трэнінай, актывісткі і суарганізатаркі выставы пра беларускіх медыкаў «Машына дыхае, а я – не», сілавікі зладзілі ператрус. Вядома, што ў дзяўчыны вынялі тэхніку, цяпер Наталля не выходзіць на сувязь, паведамляе TUT.by.
Хлопец дзяўчыны Цімур паведаміў, што Наталля Трэніна не выходзіць на сувязі з другой паловы дня 5 сакавіка. Вядома, што ранкам сілавікі зладзілі ператрус у ейнай кватэры, падчас якога вынялі два ноўтбукі і носьбіты інфармацыі.
Афіцыйнай інфармацыі пра сітуацыю з дзяўчынай і прычыны ператрусу пакуль няма.
Наталля Трэніна – актывістка асветніцка-сацыяльнага грамадскага аб’яднання «Звяно». Яна адна з арганізатарак выставы «Машына дыхае, а я – не», якая адчынілася ў менскай прасторы «Месца». Экспазіцыя, прысвечаная медыкам, адкрылася 30 сакавіка і мелася працаваць да 17 красавіка. Але ўжо 1 красавіка ў прастору наведаліся санстанцыя і МНС, якія знайшлі парушэнні і загадалі зачыніць выставу.
СК belsat.eu