Прэс-сакратар Еўрапейскага звязу пракаментаваў апошнія падзеі ў Казахстане і выступіў з заявай, у якой заклікаў паважаць права на мірны пратэст. Але ў заяве адзначына, што дэманстранты не павінны звяртацца да гвалту.
Таксама ў Еўразвязе спадзяюцца, што ўлады Казахстана будуць выконваць свабоду СМІ і доступ да інфармацыі:
«У свеце пратэстаў у Казахстане, звязаных, перш за ўсё, з нядаўнім падваеннем цэн на звадкаваны нафтавы газ, Еўрапейскі Звяз уважліва сочыць за развіццём падзей.
Мы заклікаем усіх, каго гэта тычыцца, дзейнічаць адказна і стрымана і ўстрымлівацца ад дзеянняў, якія могуць прывесці да далейшай эскалацыі гвалту. Прызнаючы права на мірныя дэманстрацыі, Еўразвяз чакае, што яны застануцца негвалтоўнымі і будуць пазбягаць любога падбухторвання да гвалту. ЕЗ таксама заклікае ўлады паважаць фундаментальнае права на мірны пратэст і суразмернасць у прымяненні сілы пры абароне сваіх законных інтарэсаў бяспекі і выконваць свае міжнародныя абавязацельствы.
Казахстан – важны партнёр Еўрапейскага Звязу. У рамках Пагаднення аб пашыраным партнёрстве і супрацоўніцтве паміж Еўразвязам і Казахстанам мы разлічваем на тое, што Казахстан будзе выконваць свае абавязацельствы, у тым ліку свабоду прэсы і доступ да інфармацыі ў Інтэрнэце і офлайн.
Еўразвяз заахвочвае мірнае ўрэгуляванне сітуацыі праз інклюзіўны дыялог з усімі зацікаўленымі бакамі і павагу да асноўных правоў грамадзян».
АД, belsat.eu
