Актывіст Айдос Садыкаў аб сітуацыі ў Казахстане: «Усе чакаюць, што на гэты раз атрымаецца змяніць рэжым»
У Казахстане чацверты дзень працягваюцца народныя пратэсты, у выніку чаго ўлады краіны ўвялі надзвычайнае становішча. Казахстанскі блогер і апазіцыйны актывіст Айдос Садыкаў у эфіры праграмы «Студыя Белсат» падзяліўся апошнімі навінамі з пратэстнага Казахстана, а таксама зрабіў свае прагнозы далейшага развіцця падзей.
Па словах Айдаса Садыкава, улады Казахстана ўжо не кантралююць падзеі ў краіне. Каб хоць неяк выправіць сітуацыю, яны здзяйсняюць правакацыі.
«Сёння была спроба захопу Акімата (Абласнога савета ў Казахстане) у горадзе Актыбэ, у Атыраў, а таксама пагромы ў Алматы. Учора былі падпалены машыны, і сёння ідуць прагромы ў Алматы. Гэта ўсё арганізавана спецслужбамі, каб выклікаць агонь у адказ, што і адбылося ў Атыраў. Я размаўляў з многімі актывістамі з Мангыстаў, Жанаазене і Актыбэ, яны сцвярджаюць адно і тое ж: гэтыя людзі (правакатары) спрабавалі ўпісацца ў іх шэрагі яшчэ ўчора, і сёння ноччу, аднак гэта ім не ўдалося. І сёння раніцай яны арганізавалі нападзенне на Акімат, што і паказалі многія каналы. Адназначна ўсе сцвярджаюць, што гэта былі правакатары».
Апазіцыйны актывіст паведамляе, што нягледзячы на інфармацыю аб першых ахвярах і пацярпелых ад пратэстаў, настрой у мітынгоўцаў прыпадняты.
«Усе чакаюць, што на гэты раз атрымаецца змяніць рэжым. Не проста памяняць адну фігуру на іншую, а цалкам рэжым, які знаходзіцца ва ўладзе больш за 30 гадоў. Усё вельмі натхнёныя. Ёсць шмат відэа і прамой інфармацыі ад актывістаў, што многія паліцыянты і вайскоўцы пераходзяць на бок народу.
Гэта значыць, яны адмовіліся выконваць загады свайго начальства. Гэта сведчыць аб тым, што рэжым зараз хістаецца, рэжым наўрад ці пойдзе на масавыя расстрэлы, бо ў іх у прынцыпе такіх сіл няма, калі, вядома, спецназ Пуціна не дапаможа. Але нават у гэтым выпадку я не думаю, што ва ўсіх абласцях і гарадах будуць адбывацца расстрэлы мітынгоўцаў».
У гэты ж час Айдос Садыкаў указвае на вялікія адрозненні паміж цяперашнімі падзеямі ў Казахстане і сітуацыяй у Беларусі пасля выбараў 2020 года. Таму, на думку актывіста, вынік пратэстаў у Казахстане можа быць зусім іншым.
«Ёсць вялікая розніца паміж Беларуссю і Казахстанам, таму што Беларусь больш-менш каардынавалася з аднаго цэнтра – праз пэўныя Telegram-каналы, – а таксама ў Беларусі быў адзіны лідэр. У Казахстане гэтага няма: у кожнай вобласці, у кожным горадзе, у кожным пасёлку і райцэнтры пратэстоўцы дзейнічаюць аўтаномна. Тут нават дамовіўшыся ці запалохаць нейкага лідэра, немагчыма цалкам пагасіць пратэст. Гэта крыху іншая карцінка, калі дзейнічаюць аўтаномныя групы, якія адна ад адной не залежаць, спыніць такі пратэст вельмі складана. У гэтым вялікая розніца паміж Казахстанам і Беларуссю».
Поўную размову з апазіцыйным актывістам і блогерам з Казахстана Айдосам Садыкавым можна паглядзець тут:
ВК, Belsat.
