Спіс «экстрэмістаў», які вядзе на сваім сайце беларускае Міністэрства ўнутраных справаў, папоўнілі адразу 244 прозвішчы. Сярод іх – вядомыя палітыкі і актывісты.
4 лістапада МУС абнавіла «Пералік асобаў, датычных да экстрэмісцкай дзейнасці», павялічыўшы спіс адразу на 244 прозвішчы. Гэта беларусы і грамадзяне іншых дзяржаваў, якія пераследуюцца ці пераследаваліся паводле «палітычных» крымінальных артыкулаў у Беларусі.
У спіс «экстрэмістаў» цяпер трапілі фігуранты «справы Ціханоўскага» Сяргей Ціханоўскі, Мікалай Статкевіч, Ігар Лосік, Уладзімір Цыгановіч, Арцём Сакаў, Дзмітрый Папоў, журналіст «Свабоды» Алег Груздзіловіч, які выйшаў пасля памілавання, аднак у пераліку пазначана, што ён адбывае пакаранне.
Таксама ў спісе цяпер:
- блогер, журналіст і футбаліст «Крумкачоў» Аляксандр Івулін
- расяянка Вера Цвікевіч, чый фотаздымак быў на першай паласе беларускай «Камсамольскай праўды» ў жніўні 2020 года
- экс-кіраўнік «Аховы птушак Бацькаўшчыны» Віктар Фянчук
- жонка палітзняволенага Анатоля Латушкі Алена Латушка
- музыкі гурта «Irdorath» Надзея і Уладзімір Калачы
- былая кіраўніца арганізацыі «Радзіслава» Вольга Гарбунова.
Цяпер у спісе «экстрэмістаў» 1714 чалавек.
Антон Тачняк belsat.eu
