Аналітыкі Еўразійскага банку развіцця апублікавалі раніцай 4 кастрычніка прагноз развіцця беларускай эканомікі для апошніх месяцаў 2021 года.
Эксперты нагадалі, што, паводле разлікаў Нацбанку Беларусі, насельніцтва адчувае гадавую інфляцыю на ўзроўні 13,3 %, а «павышаныя чаканні з’яўляюцца адным з ключавых фактараў паскарэння росту спажывецкіх коштаў у бягучым годзе і нясуць рызыкі замацавання інфляцыі на ўзроўнях, якія перавышаюць мэты Нацыянальнага банку».
Таксама аналітыкі ЕАБР зазначаюць, што з улікам зніжэння ўраджаю збожжа існуе высокая імавернасць перавышэння інфляцыяй 10 % узроўню.
Пры рэалізацыі такога сцэнара, на іх думку, нельга выключаць павышэння стаўкі рэфінансавання ў 2021 годзе.
МГ belsat.eu