Нобэля ў медыцыне атрымаюць за адкрыццё рэцэптараў тэмпературы і дотыку

Дэйвід Джульюс і Ардэм Патапут’ян. Фота: Niklas Elmehed / Nobel Prize,

Нобэлеўскі камітэт 4 кастрычніка абвясціў пра прысуджэнне прэміі за 2021 год у галіне фізіялогіі і медыцыны. Яе атрымаюць амерыканскія навукоўцы Дэйвід Джульюс і Ардэм Патапут’ян, які паходзіць з Лівану.

Прэміі прысудзілі за адкрыццё рэцэптараў тэмпературы і дотыку.

«Наша здольнасць адчуваць цяпло, холад і дотыкі неабходная для выжывання і ляжыць у падмурку нашага ўзаемадзеяння з наваколлем. У паўсядзённым жыцці мы прымаем гэтыя адчуванні як належнае. Але як узбуджаюцца нервовыя імпульсы, каб можна было адчуць тэмпературу і ціск? Гэтае пытанне развязалі лаўрэаты сёлетняй Нобэлеўскай прэміі», – гаворыцца ў прэс-рэлізе Нобэлеўскага камітэту.

Джульюс з дапамогай алкалоіду капсаіцыну вызначыў рэцэптары ў нервовых канчатках скуры, якія адказваюць за адчуванне тэмпературы, а Патапут’ян – рэцэптары, якія рэагуюць на механічныя раздражняльнікі.

МГ belsat.eu

Падпісвайся на telegram Белсату

Hавiны