Лекарская супольнасць у тэлеграме «Белыя халаты» паведаміла ў сваім тэлеграм-канале пра цяжкую сітуацыю ў Менскай цэнтральнай раённай клінічнай больніцы з людзьмі, хворымі на каронавірус.
Паводле «Белых халатаў», у больніцы «не ведаюць, куды падзець пацыентаў – вольных ложкаў даўным-даўно няма, кіслародныя пункты ўсе занятыя, а цяжкіх ковідных хворых усё вязуць і вязуць».
«Нават нягледзячы на высокую смяротнасць у аддзяленні рэанімацыі, месцы, якія вызваліліся імгненна запаўняюцца. Ужо даўно няма такога, каб у аддзяленні цягам хаця б аднаго дня было хоць адно вольнае месца», – гаворыцца ў паведамленні.
З гэтай прычыны частку хворых вырашылі «распіхаць» па іншых клінікам Менскага раёну, «але гэта мала дапамагае, бо рэанімацыі іншых устаноў таксама забітыя пад завязку».
А ў больніцы хуткай дапамогі Менску «не засталося «чыстай» (не задзейнічанай пад COVID) пульманалогіі».
Таксама паступае інфармацыя, што ў Менску аддаюць койкі дзіцячых больніц пад каронавірусных пацыентаў, бо месцаў катастрафічна не хапае.
МГ belsat.eu
