Украінскія медыі паведамляюць 4 верасня пра вызваленне адразу некалькіх паселішчаў, захопленых раней расейскімі войскамі.
Гэтак, УНІАН піша, што ўкраінскія вайскоўцы вызвалілі ад акупантаў Азёрнае ў Данецкай вобласці.
Таксама раніцай 4 верасня быў узняты сцяг Украіны над больніцай у Высакаполлі Херсонскай вобласці.
У сваю чаргу былы міністр абароны «ДНР» Ігар Гіркін (Стралкоў) піша, што ўкраінскія сілы здолелі вызваліць сёлы Благадатаўка на Херсоншчыне і Любаміраўка ў Мікалаеўскай вобласці, а таксама змаглі пашырыць плацдарм на паўднёвым беразе ракі Інгулец.
Якуб Хруст belsat.eu