У Расеі паведамляюць пра абстрэлы Бранскай вобласці з украінскай тэрыторыі. Губернатар Бранскай вобласці Аляксандр Багамаз заявіў пра абстрэлы ва ўласным тэлеграм-канале. Выданне «Комсомольская правда» паведамляе пра ахвяру абстрэлаў.
Фота мае ілюстрацыйны характар. Пажар у Бранску, Расея, 24 красавіка. Крыніца: uniannet / Telegram
Губернатар Бранскай вобласці Аляксандр Багамаз заявіў, што Збройныя сілы Украіны нібыта абстралялі вёску Случоўск і падпалілі дзве хаты.
«Сёння ЗСУ абстралялі сяло Случоўск Пагарскага раёну. У выніку трапляння снарадаў адбылося ўзгаранне двух дамоў. Сярод жыхароў ёсць адзін пацярпелы – мужчына атрымаў лёгкае аскепкавае раненне», – заявіў Багамаз.
Цяпер пацярпелы нібыта ў шпіталі.
Нагадаем, што гэта ўжо трэці раз, калі расейцы абвінавачваць украінцаў у абстрэлах тэрыторыі РФ.
- 14 красавіка ўлады РФ абвінавацілі ЗСУ ў абстрэле памежнага пераходу ў Бранскай вобласці.
- 25 траўня гучала абвінавачванне ў абстрэле населенага пункту Жураўлёўка ў Белгарадскай вобласці.
Раман Лугоўскі, belsat.eu
