Міністр замежных справаў Вялікай Брытаніі Домінік Рааб пракаментаваў у Twitter інтэрв’ю блогера Рамана Пратасевіча, паказанае ўвечары 3 чэрвеня на дзяржаўным тэлебачанні Беларусі.
«Трывожнае інтэрв’ю спадара Пратасевіча мінулым вечарам відавочна адбывалася пад прымусам і пад вартаю. Пераслед абаронцаў правоў чалавека і свабоды медыяў у Беларусі мусіць спыніцца. Тыя, хто ўдзельнічаў у здымках, прымусе і правядзенні інтэрвʼю, павінныя быць прыцягнутыя да адказнасці», – заявіў кіраўнік брытанскага МЗС.
Размова Рамана Пратасевіча з кіраўніком тэлеканалу ОНТ Маратам Маркавым выйшла ўвечары 3 чэрвеня. Падчас праграмы на целе блогера былі заўважныя магчымыя сляды катаванняў. Таксама выказваліся меркаванні пра магчымасць ужывання да яго псіхалагічнага і фізічнага гвалту.
Раман Пратасевіч застаецца за кратамі з 23 траўня.
МГ belsat.eu