З самай раніцы міліцыянты прыйшлі з ператрусам да паэта і барда Георгія Станкевіча. Падставаю сталася тое, што той нібыта размясціў у інтэрнэце выявы з забароненай экстрэмісцкаю сімволікаю, піша «Вясна».
Сілавікі сканфіскавалі ў бешанковіцкага паэта і барда Георгія Станкевіча тэлефон і камп’ютар. Міліцыянты таксама шукалі «нацыяналістычную» сімволіку, але не знайшлі. Самога барда міліцыянты затрымалі.
Бард яшчэ да затрымання казаў, што размяшчае на сваім сайце матэрыялы пра вайну. І гэта можа стацца падставаю для затрымання.
1 сакавіка Георгій Станкевіч размясціў там адмысловы зварот да жыхароў Бешанковіцкага раёну з заклікам спрыяць спыненню вайны.
АФ belsat.eu