Вайна Расеі супраць Украіны доўжыцца дзевяць дзён. У пятніцу ў выніку абстрэлу загарэлася адзін з будынкаў Запарожскай АЭС. Міністры замежных спраў краін НАТА на пасяджэнні 4 сакавіка вырашылі не закрываць неба над Украінай, асцерагаючыся вайны з Расеяй. Канцлер Германіі Олаф Шольц пагаварыў па тэлефоне з Уладзімірам Пуціным, які заявіў аб тым, што яго патрабаванні застаюцца нязменнымі. У Херсоне расейскія акупанты паспрабавалі раздаць ежу мясцовым жыхарам, але тыя адмовіліся яе прымаць. Цяжкая сітуацыя застаецца ў гарадах, якія знаходзяцца пад абстрэлам. Паводле звестак ААН, з Украіны ў суседнія краіны ўцякло ўжо 1,2 млн чалавек.
Саша Альтэр belsat.eu