Каля 70 асобаў прайшлі па цэнтральных вуліцах Беластоку на знак салідарнасці з беларускімі працоўнымі.
Арганізатары маршу лічаць, што калі ціск на працоўных Беларусі павялічваецца, калі штодзённа адбываюцца затрыманні актывістаў на заводах і буйных прадпрыемствах, адзіным выйсцем з гэтай сітуацыі можа стаць усеагульны страйк па ўсёй краіне.
Удзельнікі маршу падтрымліваюць не толькі Беларускае аб’яднанне рабочых, але і ўсіх, хто сёння змагаецца ў Беларусі, усіх хто знаходзіцца ў турмах і рэпрэсаваны на радзіме.
Удзельнікі маршу расцягнулі вялікую расцяжку з надпісам «Страйк! Удар па дыктатуры», а таксама дзесяціметровы нацыянальны сцяг Беларусі.
Марш прайшоў па цэнтры Беластоку і завяршыўся каля беларускага кансулату.
МХ/МГ belsat.eu