Урад Украіны зацвердзіў новы пакет абмежавальных захадаў супраць Расеі і Беларусі. У чорны спіс трапілі яшчэ 99 фізічных і 178 юрыдычных асобаў, паведамляе Міністэрства рэінтэграцыі часова акупаваных тэрыторыяў Украіны.
Украіна ўвяла дадатковыя санкцыі супраць прадпрыемстваў ваенна-прамысловага комплексу РФ, службовых асобаў нацыянальных банкаў Расеі і Беларусі. Агулам чорны спіс папоўніўся кампаніямі і асобамі, якія спрыялі агрэсіі Расеі супраць Украіны.
Спіс асобаў, якія трапілі пад жорсткія санкцыі, узначалілі дочкі Уладзіміра Пуціна.
Раней афіцыйны Кіеў замарозіў і канфіскаваў маёмасць беларускіх і расейскіх фірмаў на мільёны долараў ЗША.
Украіна дагэтуль не разарвала дыпламатычных стасункаў з рэжымам Аляксандра Лукашэнкі.
Алена Аляксандрава belsat.eu