Увечары 2 верасня ў большасці карыстальнікаў Беларусі перастаў адкрывацца сайт выдання «Медиа-Полесье». Раніцаю 3 верасня ён перастаў працаваць і за мяжою, паведамляе тэлеграм-канал выдання.
Чым выкліканае блакаванне, рэдакцыя не ведае. Накіраваныя запыты ў Hoster.by і Міністэрства інфармацыі.
Media-Pоlesye.by выходзіць з чэрвеня 2012 года, яго наведваюць 30–40 тысяч карыстальнікаў за дзень.
У ліпені ўдома ў галоўнага рэдактара, галоўных работнікаў і ў офісе выдання адбыліся ператрусы. Тэхніку ды іншыя носьбіты інфармацыі дасюль не вярнулі.
Рэдакцыя абяцае працягваць працу.
МГ belsat.eu